Қабул гардидани Фармони Президенти Ҷумҳурии Тоҷикистон муҳтарам Эмомалӣ Раҳмон «Дар бораи «Бистсолаи омӯзиш ва рушди фанҳои табиатшиносӣ, дақиқ ва риёзӣ дар соҳаи илму маориф» эълон намудани солҳои 2020-2040» аз 31 январи соли 2020, №1445 барои баланд бардоштани сифати таълими ин фанҳо дар Донишкадаи давлатии санъати тасвирӣ ва дизайни Тоҷикистон такони ҷиддӣ дод.
Баъдан, 11 феврали соли 2021 интишор шудани Амри Президенти Ҷумҳурии Тоҷикистон ва тибқи он ҳамасола баргузор шудани озмуни ҷумҳуриявии “Илм – фуруғи маърифат” аз ҷониби донишҷӯён ва магистрантҳо ҳамчун ҳавасмандии бузурги маънавию моддӣ қабул гардид.
Дар ин асос фармоишҳои дахлдори ректори Донишкадаи давлатии санъати тасвирӣ ва дизайни Тоҷикистон Ғанизода Ҷ.Ш. имзо шуда, тибқи онҳо дар заминаи кафедраи технологияи иттилоотӣ ва иқтисод бо иштироки донишҷӯёни лаёқатманди ҳамаи факултетҳо аз фанҳои технологияи иттилоотӣ ва риёзӣ озмунҳо баргузор карда шуданд.
Дар натиҷа аз фанни технологияи иттилоотӣ ғолибони зерин муайян гардиданд:
ҷойи якум – донишҷӯи курси якуми ихтисоси 1-31030408 веб-дизайн ва графикаи компютерӣ Насимбоев Ромиш;
ҷойи дуюм – донишҷӯи курси дуюми ихтисоси 1-31030408 веб-дизайн ва графикаи компютерӣ Носиров Суҳроб;
ҷойи сеюм – донишҷӯи курси якуми ихтисоси 1-31030408 веб-дизайн ва графикаи компютерӣ Қодиров Ҷамолиддин.
Аз фанни риёзӣ донишҷӯёни зерин ғолиб дониста шуданд:
ҷойи якум – донишҷӯи курси чоруми ихтисоси 1-31030408 веб-дизайн ва графикаи компютерӣ Чавлиев Шералихон;
ҷойи дуюм – донишҷӯи курси якуми ихтисоси 1-69010106 меъмори манзаравӣ Набиева Нозанин;
ҷойи сеюм – донишҷӯи курси дуюми ихтисоси 1-20620103 – дизайни робитавӣ дар соҳаҳои истеҳсолот ва хизматрасонӣ Қурбонова Ҷиёнгул.
Чавлиев Шералихон ва Насимбоев Ромиш моҳҳои март ва майи соли равон дар олимпиадаҳои донишҷӯёни муассисаҳои таҳсилоти олии касбии Ҷумҳурии Тоҷикистон барои дарёфти “Ҷоми Академияи миллии илмҳои Тоҷикистон” ва “Ҷоми раёсати Донишкадаи сайёҳӣ, соҳибкорӣ ва хизмат” иштирок намуда, маҳорати баланд нишон доданд ва бо ифтихорномаҳои Академияи миллии илмҳои Тоҷикистон ва сипосномаи раёсати Донишкадаи сайёҳӣ, соҳибкорӣ ва хизмат сарфароз гардонида шуданд.
Муаллими кафедраи технологияи иттилоотӣ ва иқтисод Муродалии Ризвони Қурбониён бо Сипосномаи Вазорати маориф ва илми Ҷумҳурии Тоҷикистон сарфароз гардонида шуд.
Ҳамзамон ДДСТДТ барои ҳамкориҳои судманд бо ДССХ ва тарбияи кадрҳои баландихтисоси самтҳои технологияи иттилоотӣ ва риёзӣ соҳиби сипоснома гардид.
20 майи соли 2021 таҳти сарварии ректори ДДСТДТ муҳтарам Ғанизода Ҷ.Ш. ҷиҳати ҷамъбасти озмунҳои донишкадавӣ ҷаласаи тантанавӣ баргузор гардид ва дар он ғолибон бо ифтихорномаю сипосномаҳо ва мукофотҳои пулии раёсати донишкада қадрдонӣ карда шуданд.
Минбаъд дар ДДСТДТ ба омӯзиши фанҳои технологияҳои иттилоотӣ ва риёзӣ таваҷҷуҳи бештар дода шуда, иштироки донишҷӯён дар озмунҳои сатҳи болоӣ боз ҳам фаъолтар
гардонида мешавад.
А. Наҷмиддинзода,
мудири кафедраи технологияи
иттилоотӣ ва иқтисоди ДДСТДТ
