Дар Донишкадаи давлатии санъати тасвирӣ ва дизайни Тоҷикистон 29 май тибқи нақша дар доираи ҳамкориҳои Кумитаи кор бо ҷавонон ва варзиши назди Ҳукумати Ҷумҳурии Тоҷикистон ва бахши ҷавонони Донишкада ба муносибати Рӯзи ҷавонони Тоҷикистон – 23 май бо иштироки васеи донишҷӯёну омӯзгорон намоиши сиёсии тантанавии иттилоотӣ-ташвиқотӣ ва фарҳангӣ барпо гардид.
Намоишро бо сухани ифтитоҳӣ муовини аввали ректори Донишкада Худойбердиева Ҷ. Ч. кушода, аз саҳми муҳими ҷавонон дар рушди санъати тасвирии ҷумҳурӣ ёдовар шуд ва аҳли толорро аз номи Раёсати Донишкада бо санаи муҳими таърихӣ- Рӯзи ҷавонони Тоҷикистон муборакбод гуфт. Сипас, муовини раиси Кумитаи кор бо ҷавонон ва варзиши назди Ҳукумати Ҷумҳурии Тоҷикистон Чоршанбизода С. С. баромад карда, зикр намуд, ки Ҳукумати ҷумҳурӣ тайи солҳои соҳибистиқлолӣ ба масъалаи сиёсати ҷавонон диққати ҷиддӣ зоҳир менамояд. Дар 32 соли истиқлолият дар ҷумҳурӣ барои ҷавонон як қатор имтиёзҳо муқаррар карда шуда зиёда аз 40 ҳазор ҷавонони тоҷик дар хориҷи кишвар таҳсил мекунанд.
Дар охир чанде аз кормандони масъули Донишкада бо сипосномаҳои Кумитаи кор бо ҷавонон ва варзиши назди Ҳукумати Ҷумҳурии Тоҷикистон ва донишҷӯён бо ифтихорномаҳо ва мукофоти пулии Раёсат ва Иттифоқи касабаи Донишкада мукофотонида шуданд.
Намоишро гуруҳи ҳунарии Коллеҷи санъати ба номи Аҳмад Бобоқулов бо таронаҳои дилнишин зинату тароват бахшиданд.
