Моҳи шарифи Рамазон моҳи ихлосу сипос, меҳру муҳаббат, моҳи худшиносиву худошиносӣ буда, инсонро ба росткорию ростгӯӣ, фурӯтаниву хоксорӣ, сабру қаноат, иттифоқию муттаҳидӣ ва ваҳдат даъват менамояд. Ин моҳи муборак на танҳо ҳисси худоҷӯию инсоф, инсондӯстиву ҳамдигарфаҳмии моро афзун сохт, балки ба саломатии мо, сиҳатии рӯҳу ҷисми мо, офияти маънавии мо низ манфиати бешумор ато намуд.
Ректори Донишкадаи давлатии санъати тасвирӣ ва дизайни Тоҷикистон — Ҷамшед Ғанизода ҳайати омӯзгорону кормандон, таълимгирандагони даргоҳ ва дар симои онҳо тамоми мардуми ҷумҳуриро бо муносибати Иди саиди Фитр муборакбод гуфта, барояшон сиҳатмандиву осоиш, хушбахтиву баракати рӯзгор, имону инсоф ва комёбиҳо таманно дорад.
Бигзор, сулҳу субот, оромиву осоиш, файзу баракат ва фаровонии рӯзгори хуш дар Ватани маҳбубамон ҳамеша ҳукмфармо бошад.
Иди саиди Фитр муборак, ҳамватанони азиз!