Бо мақсади рушди устувори китобхонаҳо, таҳкими заминаҳои моддиву техникии онҳо, рушду тавсеа, истифодаву корбурди китоб дар оила, ташкилоту муассисаҳо, корхонаву идораҳои давлативу ҷамъиятӣ, ҷалби мутахассисони соҳаи китобдорӣ ба китобхонаҳо, тақвияти зеҳниву маънавии сокинони пойтахт, қарори Раиси шаҳри Душанбе дар бораи баргузор намудани озмуни “Китобхонаи беҳтарин” дар шаҳри Душанбе ба имзо расидааст.
Дар асоси ин қарор ҳамасола дар шаҳри Душанбе озмуни “Китобхонаи беҳтарин” дар самти баланд баргузор карда мешавад. Аз ҷониби Мақомоти иҷроияи ҳокимияти давлатии ноҳияи Шоҳмансур миёни вазорату кумита, ташкилоту муассиса ва шаҳраку маҳаллаҳои ҳудуди ноҳия даври ноҳиявии Озмуни «Китобхонаи беҳтарин» гузаронида шуд.
Боиси ифтихор аст, ки китобхонаи Донишкадаи санъати тасвирӣ ва дизайни Тоҷикистон дар озмуни мазкур иштирок намуда, дар даври ноҳиявии он аз рӯйи номинатсияи “Китобхонаи беҳтарини илмӣ-соҳавӣ” сазовори ҷойи сеюм гардид.
Мақсади озмун рушди устувори китобхонаҳо, таҳкими заминаҳои моддиву техникии онҳо, истифодаву корбурди китоб дар оила, ташкилоту муассисаҳо, корхонаву идораҳои давлативу ҷамъиятӣ, ҷалби мутахассисони соҳаи китобдорӣ ба китобхонаҳо, тақвияти зеҳниву маънавии сокинони пойтахт ва ҷалби онҳо ба озмуни “Фурӯғи субҳи доноӣ китоб аст” мебошад.
Хотиррасон менамоем, ки ғолибони даври ноҳиявии озмуни “Китобхонаи беҳтарин” ба даври шаҳрии озмун роҳхат гирифтанд. Даври шаҳрии озмун дар байни ғолибони даври ноҳиявӣ то моҳи апрели соли равон баргузор гардида, ҷамъбасти ниҳоии озмун ва натиҷаҳои он дар Рӯзи пойтахти Ҷумҳурии Тоҷикистон – шаҳри Душанбе (шанбеи ҳафтаи сеюми моҳи апрел) эълон мегарданд.
