Дар толори барҳавои Донишкадаи давлатии санъати тасвирӣ ва дизайни Точикистон санаи 6 феврали соли 2024 чорабинӣ бахшида ба шарҳи муҳтавои Паёми Асосгузори сулҳу ваҳдати миллӣ, Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон, ба Маҷлиси Олии кишвар «Дар бораи самтҳои асосии сиёсати дохилӣ ва хориҷии ҷумҳурӣ» аз 28-уми декабри соли 2023, дар сатҳи баланд, гузаронида шуд. Дар чорабинӣ намояндагон аз Мақомоти иҷроияи ҳокимияти давлатӣ дар шаҳри Душанбе, кормандону омӯзгорон ва донишҷӯёни Донишкада иштирок намуданд.
Чорабинӣ бо сухани ифтитоҳии муовини ректор оид ба таълим Худойбердиева Ҷ.Ч., оғоз гардид.
Сипас, Зуҳурзода З.Ҳ. – сардори Раёсати кор бо занон ва оилаи Мақомоти иҷроияи ҳокимияти давлатӣ дар шаҳри Душанбе дар бораи моҳияти Паёми Асосгузори сулҳу ваҳдати миллӣ, пешвои миллат, Президенти Ҷумҳурии Тоҷикистон муҳтарам Эмомалӣ Раҳмон суханронӣ намуда, мавриди баланд бардоштани маърифатнокии занону бонувон, пӯшидани сару либоси миллӣ, даст кашидан аз фарҳанги бегона, таълиму тарбияи насли наврас, бо машғулиятҳои забономўзиву илмомўзӣ саргарм будани онҳо, ҳидояти онҳо ба роҳи рост, дар ботину рӯҳияи онҳо тарбия намудани пос доштани анъанаҳои ниёгон маслиҳатҳои муфид доданд.
Ҳамзамон вобаста ба “Соли маърифати ҳуқуқӣ” эълон гардидани соли 2024, Шарифова М.Ҳ. – муовини сардори Раёсати кор бо занон ва оилаи Мақомоти иҷроияи ҳокимияти давлатӣ дар шаҳри Душанбе оиди арзиши олӣ будани инсон, ҳуқуқ ва озодиҳои ӯ, эҳтиром ва риояи Конститутсияи Ҷумҳурии Тоҷикистон, қонунҳо ва санадҳои меъёрии ҳуқуқии дигар, баланд бардоштани ҳисси ватандӯстӣ, пешгирии рафторҳои номатлуби ҷавонон аз он ҷумла духтарон дар шабакаҳои иҷтимоӣ, пайравӣ накардани ба ҳар гуна гурӯҳу ҳаракатҳои тундрав ва пойбанди ҳизбу ҳаракатҳои террористиву экстремистӣ нагардидани онҳо ибрози андеша намудаанд.
Дар анҷом миёни ширкаткунандагон табодули афкор сурат гирифт.
