Имрӯз, 18 -уми марти соли 2024, дар асоси Нақша-чорабиниҳо бо ташаббуси Вазорати фарҳанги Ҷумҳурии Тоҷикистон дар Донишкадаи давлатии санъати тасвирӣ ва дизайни Тоҷикистон Иди Наврӯзи байналмилалӣ бо иштироки тамоми муассисаҳои тобеи Вазорати фарҳанг ва собиқадорони соҳа баргузор гардид. Муассисаҳои тобеи Вазорат чун анъана, дастархонҳои Наврӯзӣ ороста, дастовардҳои худро ба намоиш гузоштанд. Вазири фарҳанги Ҷумҳурии Тоҷикистон Сатториён Матлубахон Амонзода иштирокчиёни чорабиниро бо Рӯзи фарҳанг ва Наврӯзи ҷаҳонӣ табрику таҳният гуфтанд. Дар рафти чорабинӣ кормандон бо мукофотҳои соҳавӣ сарфароз гардонида шуданд.
Дар фарҷом баҳри болидахотирии аҳли нишаст аз ҷониби ҳунармандон ва санъаткорони муассисаҳои тобеи Вазорати фарҳанг саршор аз суруду таронаҳои дилписанд дар бораи Наврӯзи оламафрӯз пешкаши бинандагон гардониданд.Чорабинӣ хеле хотирмон гузашт.
Аксҳо аз лаҳзаҳои чорабинӣ.
