Имрӯз бо ташаббуси факултети дизайн дар ҳамбастагӣ бо кафедраи технологияи иттилоотӣ ва иқтисод бахшида ба Рӯзи модар чорабинии идона баргузор гардид, ки дар он раиси Шӯрои курторон Субҳон Усмонов, сардори шуъбаи тарбия Муҳаммадшариф Эсанов, декани факултети дизайн Саидова Бибираҷаб, мудири кафедраи технологияи иттлоотӣ ва иқтисод Алишер Эшонқулов ва омӯзгорону донишҷӯёни факултет иштирок намуданд.
“Ҳукумати мамлакат бо дарназардошти нақши муассири занону бонувон дар ҳаёти сиёсиву иқтисодӣ ва иҷтимоиву фарҳангии кишвар, таъмини ҳуқуқу манфиатҳои занону модаронро яке аз самтҳои муҳимтарини сиёсати худ қарор додааст. Дар замони соҳибистиқлолӣ, барои баланд бардоштани маърифати ҳуқуқии занону бонувон, беш аз 60 санади меъёрии ҳуқуқӣ қабул карда шуд, ки амалисозии онҳо боиси бамаротиб беҳтар шудани вазъи иҷтимоии занону духтарон гардид. Илова бар ин, тибқи супоришҳои Пешвои миллат муҳтарам Эмомалӣ Раҳмон ду ҳуҷҷати муҳим – Стратегияи миллии фаъолгардонии нақши занон дар Ҷумҳурии Тоҷикистон барои солҳои 2021 – 2030 ва Барномаи давлатии тарбия, интихоб ва ҷобаҷогузории кадрҳои роҳбарикунанда аз ҳисоби занону духтарони болаёқат барои солҳои 2023 – 2030 қабул карда шуд”, – гуфт номбурда.
