Устодон, кормандон ва донишҷӯёни азиз!
Ҷумҳурӣ дар арафаи фарорасии Рӯзи байналмилалии Наврӯзи қарор дорад.
Шумо ва дар симои Шумо тамоми кормандони соҳаро бо ин иди хуҷастапай табрику таҳният мегӯям.
Наврӯз дар партави ғояҳои зиндагиафрӯз ва нусратбахши Истиқлолияти давлатиамон ба марҳалаи нави эҳёи худ расида, туфайли сиёсати хирадмандонаи Асосгузори сулҳу Ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон мақоми хоса пайдо намуд ва аз ҷашни мардумӣ то сатҳи ҷашни давлатӣ ва байналмилалӣ эътироф гардид.
Дар партави сиёсати халқпарварона ва ободкоронаи Пешвои муаззами миллат имрӯзҳо сокинони меҳнатқарини кишвари азизамон ба раванди корҳои созандагиву бунёдкорона вусъати тоза бахшида, баҳри шукуфоиву сарсабзӣ ва ободии Ватани маҳбубамон фидокорона меҳнат карда истодаанд.
Наврӯзи оламафрӯз имсол бо ҳама рангорангиву рӯҳи зиндагисозаш ва пайку муждаҳои баҳорӣ фаро расида, чун сароғози ҳаёти нав ва амалӣ шудани ормонҳои наҷиб, ҳар яки моро барои расидан ба ҳадафу ниятҳои некамон ҳидоят менамояд.
Бигзор, Наврӯзи имсола бо тамоми шукӯҳу шавкаташ ба мардуми Ватани азизамон баҳори нек, амалишавии ниятҳо, ба деҳқонон ҳосили фаровон, ба донишҷӯён илми кофӣ, зиракиву бедории сиёсӣ, ба устодон муроди дилу комгорӣ эҳдо намояд.
Муборак бодатон имрӯзу ҳама рӯз,
Ҳумоюн бодатон имсолу ҳар сол.
