Чорабинии расмӣ-фарҳангии муштараки
Донишкадаи давлатии санъати тасвирӣ ва дизайни Тоҷикистон ва Коллеҷи санъати шаҳри Душанбе ба номи Аҳмад Бобоқулов бахшида ба 8-уми март Рӯзи модарон зери унвони
“Оча дастони ту доим ба дуо”
5-уми марти соли 2024 дар толори намоишии Донишкадаи давлатии санъати тасвирӣ ва дизайни Тоҷикистон чорабинии фарҳанги-фароғатӣ бахшида ба 8-уми март Рӯзи модарон зери унвони “Оча дастони ту доим ба дуо” баргузор гардид.Чорабинӣ бо сухани табрикотии муовини ректор оид ба илм ва корҳои эҷодӣ Одиназода Б.Э оғоз гардид. Зимни суханронии худ кулли занону бонувонро бахшида ба Рӯзи модар табрику таҳният гуфта, зикр сохт, ки эҳтирому арҷгузорӣ ва шинохти қадру манзалати модар вазифаи инсонии ҳар фарди худогоҳ буда, маҳз ҷозибаи ҷонбахши модар, меҳру самимияти гарм ва ғамхории пайвастаи модарон ва хоҳарони мо зиндагиро нуру зиёи хоса мебахшад. Сипас сухани навбатӣ дода, шуд ба мудири бахши магистратура аспирантура ва доктарантура Ҳаитов Фируз дар бораи “Мақоми зан дар ҷомеъа” бо чунин суханҳо огоз намуд, эҳтироми зан шинохту қадр ва манзалати модар қарз ва рисолати ҳар фарди худогоҳ буда, мо дар сурате онро адо карда метавонем, ки ба қадри заҳмату ранҷ, шири ҷонбахши модар, меҳру самимият ва ғамхории пайвастаи модарон ва хоҳарони боиффату ҳаётофари худ арҷи шоиста гузошта тавонем. Ҳамчунин таъкид гардид, ки Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар шинохт ва эҳтироми зан-модар қайд менамоянд: «Ҷомеае, ки ба зан-модар ғамхорӣ менамояд, ба ояндаи худаш ғамхорӣ мекунад. Давлате, ки нисбат ба зан – модар – сарчашмаи ҳаёт ва бақои насли инсонӣ бепарво мебошад, ояндаи худро аз даст медиҳад».
Дар фарҷом баҳри болидахотирии аҳли нишаст аз ҷониби ҳунармандони бахши фарҳанги Коллеҷ барномаи фарҳангии саршор аз суруду таронаҳои дилписанд дар бораи меҳри модар ва зан пешкаши бинандагон гардид.
