Санаи 28.04.2023 дар асоси нақша-чорабиниҳои Раёсати Донишкада Конференсияи илмӣ-назариявӣ таҳти унвони «МАСОИЛИ МУБРАМИ САНЪАТИ ТАСВИРӢ, ДИЗАЙН ВА ТЕХНОЛОГИЯИ ИТТИЛООТӢ» бахшида ба 10 – солагии таъсисёбии Донишкадаи давлатии санъати тасвирӣ ва дизайни Тоҷикистон бо иштироки васеъи ҳайати профессорону омӯзгорон, магистрантон, донишҷӯён ва дигар меҳмонон баргузор гардид.
Кори конференсия бо сухани ифтитоҳии муовини ректор оид ба илм ва корҳои эҷодӣ н.и.т., дотсент Одиназода Б. Э. оғоз гардида, ёдовар шуд, ки конференсияи мазкур, конференсияи рамзӣ ба ҳисоб рафта нишонаи сол аз сол мавқеъи мустаҳкам пайдо кардани фаъолияти донишкада дар ҳамаи самтҳо, аз ҷумла самти илм ба ҳисоб меравад. Ҳамзамон зикр гардид, ки дар конференсияи мазкур зиёда аз 40 – мақолаҳои илмӣ дар чор бахш: бахши забонҳо ва фанҳои гуманитарӣ, таърих ва санъатшиносӣ, технологияи иттилоотӣ ва иқтисод ва дизайн пешниҳод гардид. Аҳамияти конференсияи мазкур дар онаст, ки омӯзгорони ҷавон, магистрантон аз дастовардҳои илмии якдигар огоҳ гардида, бо ин восита ба корҳои илмӣ бештар ҷалб мешаванд.
Сипас, дар ҷаласаи ифтитоҳи Усмонов С. дар мавзӯи «Саҳми Ҷумҳурии Тоҷикистон дар хифзи пиряхҳо», Эшонқулов А. «Истифодаи назарияи маҷмӯъҳо бо усулҳои мантиқи математики дар илми компютерӣ ва барномаҳои иттилоотӣ» ва Хостихудоева О. «Санъати гулдӯзи – мероси ҳунармандони тоҷик» бо маърӯзаҳо баромад нгамуданд.
Лозим ба ёдоварист, ки пас аз фарҷоми ҷаласаи ифтитоҳӣ ҳайати Раёсат, меҳмонон ва донишҷӯён аз дарсҳои амалӣ ва маҳорати касбии Худоёрбеков Х. ва Саидов Ш. омӯзгорони кафедраи мусаввирӣ ва ҳайкалтарошӣ, Шералиева У. омӯзгори кафедраи графика ва миниатюраи ба номи Ф. Хоҷаев дидан намуда, ба салиқа ва маҳорати устодон баҳои баланд доданд.
Кори конференсия дар бахшҳо бо иштироки бевоситаи маърузакунандагон ва донишҷӯён то соати 1600 идома ёфт.
