Дирӯз бахшида ба истиқболи Рӯзи модар дар назди Вазорати фарҳанги Ҷумҳурии Тоҷикистон Намоиш-фурӯши китобҳои тозанашр оғоз гардид.
Дар Намоиш-фурӯши китоб ноширони ватанӣ китобҳои бадеӣ, илмӣ, адабиёти бачагона ва тарҷумаи бадеиро бо сифати баланд пешниҳоди дӯстдорони китоб намуданд, аз ҷумла маҷмӯаи дастҷамъонаи шоирони тоҷик таҳти унвони «Авсофи модар», китоби «Дасти дуои модар»-и Лоиқ Шералӣ (чопи нав), «Чароғи дуо»-и Камол Насрулло ва маҷмӯаи шеърҳои Давлат Сафар «Қанде, ки аз остини модар хӯрдам» низ пешниҳод гардиданд.
Дар Намоиш-фурӯш дар баробари дигар намояндагони касбу кори гуногун омӯзгорону кормандон ва донишҷӯёни Донишкадаи давлатии санъати тасвирӣ ва дизайни Тоҷикистон низ фаъолона иштирок намуда, китобҳои дилхоҳашонро харидорӣ карданд.
