11-уми апрели соли равон дар саҳни бинои Театри давлатии академии опера ва балети ба номи Сайдриддин Айнӣ бо ибтикори Вазорати фарҳанги Ҷумҳурии Тоҷикистон бахшида ба ҷашни байналмилалии Наврӯз барномаи пуршукӯҳи фарҳангӣ-фароғатӣ баргузор гардид.
Қабл аз оғози намоиши идона барои меҳмонон намоиши ҳунарҳои мардумӣ, расму мусаввараҳо, гӯшаҳои ҷашнии муассисаҳои вазорат, аз ҷумла маҳсули эҷоди ҳунармандону тарроҳон, кадбонувони моҳир, дар маҷмуъ намунаҳои ҳунарҳои миллӣ пешниҳод карда шуд.
Дар тантанавҳои наврӯзии соҳаи фарҳанг дар баробари дигар муассисаҳои зерсохтор, роҳбарият, кормандону омӯзгорон ва донишҷӯёни Донишкадаи давлатии санъати тасвирӣ ва дизайни Тоҷикистон низ бо хони наврӯзӣ ва асарҳои тасвирии худ иштирок намуданд.
Дар хотимаи чорабинӣ барои саҳми назаррас гузоштан дар рушди фарҳангу санъати миллӣ як қатор кормандони соҳаи фарҳанг, аз ҷумла ректори донишкада Ҷурахонзода Сироҷиддин Шамсулло бо “Сипоснома”-и Вазорати фарҳанги Ҷумҳурии Тоҷикистон ва Шифоев Сорбон Қурбонович, омӯзгори кафедраи графика ва миниатюраи ба номи Фаррух Хоҷаев бо нишони “Аълочии фарҳанги Ҷумҳурии Тоҷикистон” қадрдонӣ шуданд.
