Имрӯз дар Майдони 800-солагии Москва, назди Театри опера ва балети ба номи Садриддин Айнӣ бо ибтикори Кумитаи Иҷроияи Марказии Ҳизби Халқии Демократии Тоҷикистон дар якҷоягӣ бо Вазорати фарҳанги Ҷумҳурии Тоҷикистон намоиш-фурӯши китобҳо ба роҳ монда шуд.
Дар намоиши болозикр роҳбарият, кормандон ва аъзои фаъоли ташкилотҳои ҳизбии Кумитаи иҷроияи Ҳизби Халқии Демократии Тоҷикистон дар ноҳияи Шоҳмансур ширкат варзиданд.
Дар баробари намояндагони дигар муассисаҳои ҳудуди шаҳри Душанбе дар намоиш донишҷӯёни Донишкадаи давлатии санъати тасвирӣ ва дизайни Тоҷикистон, ки аъзои Ташкилоти ҷамъиятии ҷавонон – “Созандагони Ватан” ва Ташкилоти ибтидоии ҳизбии “Дизайн”-и Кумитаи иҷроияи Ҳизби Халқии Демократии Тоҷикистон дар ноҳияи Шоҳмансуранд, таҳти роҳбарии муовини Раиси ташкилот Ҳаитов Фирӯз ва муовини декан оид ба тарбия ва эҷоди факултети дизайн Шарипов Намозалӣ иштирок намуданд.
