1.Муқаррароти умумӣ
Дастурамали тавсиявии мазкур бо мақсади амалӣ намудани талаботи Низомномаи озмуни ҷумҳуриявии «Тоҷикистон – Ватани азизи ман» ҷиҳати баргузории даврҳои якум ва дуюм, инчунин шарҳи номинатсияҳо ва жанрҳо, меъёри баҳогузорӣ, синну соли иштирокчиён ва дигар масъалаҳои марбут ба Озмун таҳия гардида, барои гуруҳҳои корӣ, ҳайати ҳакамон, раёсатҳо, шуъбаҳо ва бахшҳои фарҳанги мақомоти иҷроияи ҳокимияти давлатии вилоятҳо ва шаҳру ноҳияҳо, пешбинӣ мегардад.
Дастурамал коргузорӣ ва саривақт иҷро намудани дастуру супоришҳои Комиссияи ҷумҳуриявии озмун, фаъолияти гурўҳҳои корӣ, ҳайати ҳакамон, қоидаҳои ягонаи омода намудани ҳуҷҷатҳо, барасмиятдарорӣ, баҳисобгирӣ ва назорати онҳоро муқаррар менамояд.
Ўҳдадориҳо оид ба риояи талаботи Дастурамал ба зиммаи гурўҳи кории Вазорати фарҳанг гузошта мешавад.
2.Ҳайати гуруҳи корӣ ва ҳакамон
Гурўҳи кории даврҳои якуму дуюми озмун дар шаҳру ноҳияҳо ва вилоятҳо аз ҳисоби коршиносони соҳа таҳти роҳбарии бевоситаи муовинони сарпарасти раисони мақомоти иҷроияи ҳокимияти давлатӣ таъсис дода мешавад.
Ҳайати ҳакамони даври якум бо ҷалби мутахассисони варзидаи соҳаи санъату фарҳанг аз ҷониби роҳбарони мақомоти иҷроияи ҳокимияти давлатии шаҳру ноҳияҳо тасдиқ гардида, то 10 апрели соли 2023 ба гурӯҳи кории Вазорати фарҳанг пешниҳод карда мешавад.
Ҳайати ҳакамони даврҳои дуюму сеюми озмун аз ҷониби Комиссияи ҷумҳуриявӣ бо ҷалби мутахассисони варзидаи соҳаи фарҳангу санъат, иттифоқҳои композиторон, нависандагон, дизайнерон ва рассомон, Кумитаи телевизион ва радио таъсис дода мешавад.
Гурўҳи корӣ ва ҳайати мутасаддиёни Вазорати фарҳанг аз ҳисоби муовинони вазир, сардорони раёсату шуъбаҳо ва мутахассисони соҳа таъсис ёфта, ҳамоҳангсозӣ ва баргузории озмунро тибқи талаботи Низомнома дар ҳамаи даврҳо таъмин менамоянд.
Ҳайати ҳакамон ва гуруҳи кории озмун аз рўи радабандии синну солии довталабон, ки дар Низомнома муқаррар гардидааст, аз 12 то 17 сола ва аз 18 то 40 соларо қабул менамоянд. Синну соли иштирокчиёни озмун аз 1 майи соли 2023 муайян карда мешавад.
Ба гуруҳҳои касбӣ, ҳаваскорон, рассомон ва дизайнерон тибқи раддабандии синну солӣ аз ҷониби ҳайати ҳакамон бо назардошти ба инобат гирифтани сатҳи касбияти довталаб баҳогузорӣ шуда, шахсони шинохтаи санъати мусиқӣ, санъати тасвирӣ ва дизайн, сарояндагону навозандагон ва рассомону дизайнерони унвондору касбӣ дар озмун иштирок карда наметавонанд.
Ҳайати ҳакамон дар ҷараёни баргузории озмун бо мақсади муайян намудани сатҳи дониши назариявӣ бо довталаб сӯҳбат менамоянд.
3. Вазифаҳои гуруҳҳои кории мақомоти ВМКБ,
вилоятҳо ва шаҳру ноҳияҳо
- таҳияи ҷадвали баргузории озмун дар маҳаллаҳо, ҷамоатҳо, шаҳракҳо, шаҳру ноҳияҳо, вилоятҳо, мактабҳои санъату мусиқӣ, тасвирӣ, ва дизайн;
- фароҳам овардани шароити мусоид, назорат ва таъмини сатҳи баланди баргузории даврҳои якум ва дуюми озмун;
- таҳия ва таъмин намудани санадҳои зарурӣ, шаффофият ва иҷрои талаботҳои Низомнома;
- тартиби иштироки довталабон дар даврҳои якум ва дуюм дар номинатсияҳои санъати тасвирӣ ва дизайн тибқи талаботҳои замимаи 1-и дастурамал ба роҳ монда шавад;
- маълумотномаи довталаби озмун тибқи замимаҳои 2 ва 2/1 пешниҳод карда шавад;
- таҳия ва пешниҳоди ҳисоботи оморӣ бо нишон додани синну сол, суроға, ҷинс, ихтисос, ҷойи кор ё таҳсил ва номгӯи асарҳои иҷрошаванда ва асари пешниҳодшаванда (барои рассомон ва дизайнерон) дар даврҳои якум ва дуюм ба гурўҳи кории Вазорати фарҳанги Ҷумҳурии Тоҷикистон (замимаи 3 ва 3/1);
- довталабоне, ки дар даври аввал ба даври дуюми озмун ҳамчун донишҷӯӣ муассисаҳои олии касбӣ иштирок намуданд, пас аз хатми муассиса (новобаста аз корманди дастаҳои ҳунарии касбӣ будан) дар соли аввал ҳуқуқи иштирокро дар даври сеюм доранд;
- устодони довталабон дар он сурат ҳавасманд гардонида мешаванд, ки ҳуҷҷати тасдиқкунандаи омӯзгори муассисаро пешниҳод намоянд;
- раёсат, шӯъба ва бахшҳои фарҳанги вилоятҳо ва шаҳру ноҳияҳо аз ҷараёни омодагиҳои даврҳои якуму дуюм ба гуруҳи кории Вазорати фарҳанг ба таври хаттӣ гузориш пешниҳод намоянд;
4. Бақайдгирии довталабон
- тибқи номинатсияҳо ва радабандии синусолӣ дар даври ноҳиявӣ салоҳияти пешниҳоди ҷойҳо барои даври дуюм ба мақомотҳо дода мешавад;
- ғолибони даври дуюм ба даври сеюм тибқи ҷойҳои дар замимаи 3-и низомнома муқарраршуда роҳхат мегиранд.
Тавзеҳ: тибқи ҷойҳои дар Низомнома муқаррашуда теъдоди ғолибон аз рӯи номинатсияҳо, дар маҷмӯъ 115 нафар (ҷойи якум 1 нафар, ҷойи дуюм 2 нафар, ҷойи сеюм 2 нафар) –ро ташкил медиҳад.
- ҳамагуна тавсияњо ва роњхатњо берун аз љойњои муқаррашуда барои иштирок аз даври якум ба даври дуюм ва аз даври дуюм ба даври сеюм ќатъиян манъ буда, ба инобат гирифта намешаванд.
- хулосаи ҳайати ҳакамон ниҳоӣ мебошад;
- хулосаҳои ҳайати ҳакамони даври якум ва дуюми озмун дар протокол бо имзои ҳамаи аъзоён ва бо мактуби расмии роҳбарони аввали макомотҳои иҷроияи ҳокимияти давлатии шаҳру ноҳияҳо ва вилоятҳо ба гурўҳи кории Вазорати фарҳанги Ҷумҳурии Тоҷикистон пешниҳод карда мешаванд (замимаҳои 4 ва 4/1).
- гурўҳҳои корӣ ва ҳайати ҳакамони вилоятҳо ва шаҳру ноҳияҳо бо Дастурамал шинос карда шуда, муваззафанд, ки талаботи дастурамали коргузориро риоя ва иҷро намоянд.
Ҳуҷҷатҳои зерини довталабон 10 рўз пеш аз баргузории даврҳо ба гуруҳҳои кории Озмун пешниҳод мегарданд:
– маълумотномаи довталаб:
– номгӯи асарҳои иҷрошаванда;
- пешниҳоди асари офаридашуда рассомон ва дизайнерон;
– сабти нотавӣ дар 3 нусха (клавир ё партитура)- барои номинатсияи композиторӣ;
– нусхаи диплом оид ба хатми муассисаи таълимии соҳаи фарҳангу санъат (барои номинтасияҳои композиторӣ, сарояндагии академӣ, эстрадӣ, навозандагии академӣ, тасвирӣ ва дизайн), дигар муассисаҳои таълимӣ ва ҷойи кор.
