Дар Китобхонаи давлатии бачагонаи ҷумҳуриявии ба номи Мирсаид Миршакар маросими ҷамъбасти Фестивали ҷумҳуриявии “Ҳафтаи китоби кӯдакону наврасони Тоҷикистон” бо иштироки муовини вазири фарҳанги Ҷумҳурии Тоҷикистон Сафарзода Давлат Шариф, сардори Раёсати рушди муассисаҳои фарҳангӣ-фароғатӣ ва ҳунарҳои мардумии Вазорати фарҳанги Ҷумҳурии Тоҷикистон Хуршед Низомӣ, директорони муассисаҳои нашриявии ҷумҳурӣ, олими соҳаи китобдорӣ Маҳмудов Гадобег, намояндагони васоити ахбори омма, китобдорони китобхонаҳои бачагонаву бо мактабии шаҳру ноҳияҳо ва шаҳри Душанбе баргузор гардид, ки хонандагони фаъоли китобхонаҳои шаҳру ноҳияҳои вилояти Хатлон бо Диплом ва Ифтихорномаҳо сазовор гардонида шуданд.
Дар ин ҷамъомад мудири китобхонаи Донишкада Умед Одинабеков барои саҳмгузорӣ дар баргузории фестивали мазкур бо “Сипоснома”-и Вазорати фарҳанги Ҷумҳурии Тоҷикистон қадрдонӣ шуд.
