Дирӯз тибқи нақшаи кории шуъбаи кор бо ҷавонони Донишкада дар хобгоҳ маҳфили шеъру сурудхонӣ таҳти унвони “Шоми ҷавонӣ” баргузор гардид.
“Сарвари давлат ба дастгирии ҷавонон ва таъмини онҳо бо ҷойҳои нави корӣ, дар асоси истифодаи технологияҳои иттилоотиву коммуникатсионӣ бо донистани забонҳои хориҷӣ диққати махсус дода, ҷавононро ҳамеша дастгирӣ менамоянд ва шароити мусоиди кору фаъолиятро барои ҷавонон пайваста таъмин менамояд. Кишвари азизи соҳибистиқлоли мо, ки дар раванди татбиқи ислоҳоти сиёсиву иҷтимоӣ ва иқтисодию фарҳангӣ қарор дошта, ба донишу нерӯи созандаи ҷавонон умед дорад, зеро ҷавонон дар шароити кунунӣ ба воқеияти сиёсӣ ва иқтисодиву иҷтимоии ҷаҳони муосир зудтар ва беҳтар ҳамоҳанг гардида, дар бунёди ҷомеаи шаҳрвандӣ саҳми ҳалкунанда гузошта метавонанд”, – гуфт Наврӯз Саидов.
