Дар Донишкадаи давлатии санъати тасвирӣ ва дизайни Тоҷикистон имрӯз Master-класс бо иштироки меҳмонон аз Ҷумҳурии Литва барпо гардид. Дар Master-класс устодону донишҷӯёни донишкада иштирок карда, дар бораи ҳунари санъати тасвирӣ ва дизайни Ҷумҳурии Литва маълумот пайдо намуданд. Дар ҷамъомади зикршуда меҳмонон аз Академияи санъати тасвирии шаҳри Клайпедаи Ҷумҳурии Литва профессорон Аудриус Климас ва Алвидас Климас дар бораи рушди санъати рассомӣ ва дизайн дар Аврупо ва Литва суханронӣ намуданд. Дар фарҷоми Master-класс меҳмонон оид ба фаъолияти Академияи санъати тасвирӣ ва дизайни шаҳри Клайпедаи Ҷумҳурии Литва суханронӣ карда, аз дастовардҳои соҳаи мусаввирӣ ва дизайни кишварашон маълумоти муфиде чанд баён доштанд.
