Чорабинии расмӣ-фарҳангии муштараки Донишкадаи давлатии санъати тасвирӣ ва дизайни Тоҷикистон ва Коллеҷи санъати шаҳри Душанбе ба номи Аҳмад Бобоқулов бахшида ба 31-умин солгарди Рӯзи таъсисёбии Қувваҳои мусаллаҳи Ҷумҳурии Тоҷикистон зери унвони
“Ватан имрӯзи мо ояндаи мост”
22-юми феврали соли 2024 дар толори намоишии Донишкадаи давлатии санъати тасвирӣ ва дизайни Тоҷикистон чорабинии фарҳанги-фароғатӣ бахшида ба 31-умин солгарди Рӯзи таъсисёбии Қувваҳои Мусаллаҳи Ҷумҳурии Тоҷикистон зери унвони “Ватан имрӯзи мо ояндаи мост” баргузор гардид. Чорабинӣ бо садо додани суруди миллӣ ифтитоҳ гардид.
Сипас, Ғанизода Ҷамшед Шуҷоат – ректори Донишкадаи давлатии санъати тасвирӣ ва дизайни Тоҷикистон ва Идрис Абдураҳимзода – директори Коллеҷи санъати шаҳри Душанбе ба номи Аҳмад Бобоқулов аҳли толорро ба Рӯзи таъсисёбии Қувваҳои Мусаллаҳи Ҷумҳурии Тоҷикистон муборакбод ва ба кишвари азизамон сулҳу оромӣ ва ободиву пешрафт орзу намуданд.
Дар фарҷом баҳри болидахотирии аҳли нишаст аз ҷониби ҳунармандони бахши фарҳанги Коллеҷ барномаи фарҳангии саршор аз суруду таронаҳои ватандӯстона намоиш дода шуд.
