Дирӯз, 13 июн, дар бахши магистратураи Донишкадаи давлатии санъати тасвирӣ ва дизайни Тоҷикистон ҳимояи навбатии рисолаҳои магистрӣ доир гардид. Магистрантони курси дуюми ихтисоси 1-19010105 дизайн (костюм ва газвор) Меҳринисо Мирзоева, Фарзона Ҳикматова, Миҷгона Шукурова ва Дилноза Қосимова таҳти роҳбарии номзади илмҳои меъморӣ, профессор Ғанизода Ҷамшед Шуҷоат, номзади илмҳои таърих, дотсент Шералиев Д.М. ва муаалими калон Холова Ф.Ш., ки бевосита дар раванди ҳимоя ширкат доштанд, рисолаи магистрии худро сарбаландона ҳимоя намуда, дар самти пажӯҳиши олами беканори мӯд ба як қатор дастовардҳои назаррас ноил гардидаанд. Рисолаҳои магистрӣ мавзӯъҳои актуалӣ дар самти мӯд, таърих ва рушди он, мақом ва нақши мӯд дар ҳаёти ҷомеа, ҳамзамон ҳамбастагиву пайвастагӣ ва омезиши мӯди қадимаи халқи тоҷик бо мӯди муосирро дар бар мегирифтанд.
Ҳайати комиссия ба хатмкунандагон баҳои сазовор гузошта, ду нафар магистрантро ба идомаи корҳои илмӣ-таҳқиқотӣ дар зинаи докторантура (PhD) тавсия доданд.
Дар фарҷом раиси комиссия, муовини ректор оид ба илм ва корҳои эҷодӣ Одиназода Б.Э. ва мудири бахш хатмкунандагонро бо ҳимояи сарбаландона ва хатми зинаи магистратура табрику таҳният намуда, ба ҳар яки онҳо дар самти корҳои илмӣ ва эҷодии минбаъдаашон барору комёбӣ орзу намуданд.
Лозим ба ёдоварист, ки дар соли таҳсили ҷорӣ 20 нафар магистрантон аз рӯйи ихтисосҳои 1-19010105 дизайн (костюм ва газвор), 1-151501 – манзаранависӣ, 1-69010106- меъмори манзаравӣ, 1-1901010202- дизайни дохили бино, 1-21040203- санъатшиносӣ ва 1-26020103- дизайни робитавӣ дар соҳаи истеҳсолӣ ва хизматрасонӣ зинаи таҳсилоти магистратураро таҳти роҳбарӣ ва роҳнамоиҳои Арбобони ҳунари Тоҷикистон, профессорон, докторини илм, номзадони илм ва муаллимони калони ботаҷрибаи донишкада сарбаландона рисолаҳои магистриии хешро ҳимоя ва донишкадаро хатм намуданд.
Ҳаитов Ф. М,
мудири бахши магистратураи ДДСТДТ
Дар суратҳо: лаҳзаҳо аз ҳимояи рисолаҳои магистрӣ
