Санаи 24-уми апрели соли 2024 дар Донишкадаи давлатии санъати тасвирӣ ва дизайни Тоҷикистон конференсияи илмӣ-назариявии байналмилалӣ таҳти унвони «Нақши фарҳанг ва санъати тасвирӣ дар ҳаёти инсони муосир» бахшида ба Рӯзи илми тоҷик баргузор гардид. Мақсад аз гузаронидани конференсияи илмӣ-назариявии имрӯза баррасии самтҳои асосии нақши фарҳанг, илмҳои санъатшиносӣ ва гуманитарӣ дар ҳаёти инсон, тарбияи ҷавонон ба воситаи санъати тасвирӣ, мушкилот ва дурнамои дизайн дар Тоҷикистони муосир, нақши тарбияи маънавии инсон, нақши технологияҳои рақамӣ, дизайни графикӣ ва дизайн дар рушди ҷамъияти муосир мебошад. Конференсия бо сухани ифтитоҳии н.и.м профессор Ғанизода Ҷамшед Шуҷоат – ректори Донишкадаи давлатии санъати тасвирӣ ва дизайни Тоҷикистон оғоз гардид. Сипас намояндаи Вазорати фарҳанг сардори шуъбаи илм ва муассисаҳои таълими Алиакбар Ҳаётзода баромад намуд.
Баъд доктори илмҳои таърих, профессор, мудири шуъбаи мардумшиносии Институти таърих, бостоншиносӣ ва мардумшиносии ба номи Аҳмади Дониши АМИТ профессор Додхудоева Лариса Назаровна дар мавзӯи “Навсозии мероси этнофарҳанги миллӣ ҳамчун асоси таҷрибаи эҷодӣ дар Тоҷикистон”,мудири шуъбаи таърих, илм ва техника дар Институти таърих, бостоншиносӣ ва мардумшиносии ба номи Аҳмади Дониши АМИТ н.и.т. Шарифзода Абдувалӣ Қурбоналӣ дар мавзӯи “Ҷойгоҳи эпиграфикаи маишии тоҷикон дар тарбияи эстетикӣ” мавзӯи н.и.т., дотсенти кафедраи фарҳангшиносии Донишгоҳи славянии Россия ва Тоҷикистон Умарова Зарина Хоҷамаҳмадовна «Анъанавят ва навгониҳо дар тарҳрезии ҷавоҳироти Тоҷикистон (дар мисоли эҷодиёти ҳунармандони пойтахт)».
Мавзӯи донишҷӯи курси сеюми ихтисоси дизайни дохили бино Саодатқадамовна Зарифамо Низомиддиновна дар мавзӯи “Нақши ранг дар ороиши дохилии бино” баромад карданд. Дар конференсия зиёда аз 76- мақолаҳои илмӣ дар чор бахш: бахши забонҳо ва фанҳои гуманитарӣ, таърих ва санъатшиносӣ, технологияи иттилоотӣ ва иқтисод ва дизайн бо маҳорати касбӣ пешниҳод гардид. Дар кори конференсияи мазкур тавассути пайвастшавӣ тариқи zoom дар бахши таърих ва санъатшиносӣ намояндагон аз Донишгоҳи давлатии меъморӣ, дизайн ва санъати Новосибирск ба номи А.Д. Крячков Федерасияи Россия бо маърӯза ва презентатсияҳо баромад намуданд. Боиси таъкид аст, ки баргузории чунин онлайн-конференсия бо иштироки экспертону мутахассисон аз мамлакатҳои хориҷи кишвар бори нахуст набуда, дар Донишкада гузаронидани ин гуна конференсияву форумҳо ба ҳукми анъана даромадааст.
