Тибқи нақшаи кории Агентии назорати давлатии молиявӣ ва мубориза бо коррупсияи Ҷумҳурии Тоҷикистон ва Донишкадаи давлатии санъати тасвирӣ ва дизайни Тоҷикистон дар толори калони Донишкада дар мавзӯи “Муқовимат бо коррупсия ва самти афзалиятноки рушди соҳаҳои мухталифи кишвар” бо намояндаи Агентӣ подполковники адлия Розиқзода А.А., майёри адля Шамсуддинзода Н.Ш., муовини ректор оид ба таълим Джамила Худойбердиева, муовини ректор оид ба тарбия ва робитаҳои байналмилалӣ Давлатзода Г.Ш. бо ҳайати устодони донишкада вохӯрӣ баргузор гардид.
Намояндаи Агентӣ доир ба рафти иҷрои “Стратегияи давлатии мақовимат бо коррупсия барои давраи то соли 2030” ва марҳалаи якуми он солҳои 2021-2025 баромад карда, таъкид намуд, ки ҳар як муассисаи давлатӣ бояд дар асоси ин стратегия нақшаи чорабиниҳои ҳарсолаи худро дошта, аз рӯи он дар ҳамкорӣ бо Агентӣ амал кунад.
Вохӯриҳо бо намояндагони Агентии назорати давлатии молиявӣ ва мубориза бо коррупсияи Ҷумҳурии Тоҷикистон, Кумитаи давлатии амнияти миллии Ҷумҳурии Тоҷикистон, Вазорати корҳои дохилии Ҷумҳурии Тоҷикистон, Агентии назорати маводи нашъаовари назди Президенти Ҷумҳурии Тоҷикистон ва дигар мақомотҳои давлатии назоратию қудратӣ аз ҷумлаи чорабиниҳои тарбиявиест, ки дар ДДСТДТ ба ҳукми анъана даромада, мувофиқи нақшаи чорабиниҳои дохилидонишкадавӣ ҳамасола чандин бор дар ҳамкорӣ бо муассисаҳои мазкур барпо мегарданд ва дар тарбияи ҳуқуқии донишҷӯёну дигар кормандони Донишкада нақши муассир доранд.
