Санаи 26-уми январи соли ҷорӣ дар толори фарҳангии Донишкадаи давлатии санъати тасвирӣ ва дизайни Тоҷикистон тибқи нақша чорбиниҳои Раёсат ва барқияи КИ ҲХДТ дар ноҳияи Шоҳмансур бо мақсади шарҳу тавзеҳӣ Паёми Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ба Маҷлиси Олӣ аз 23.12.2022, ҳисобот дар бораи фаъолияти ташкилоти ибтидоии ҳизбии «Дизайн»- дар соли 2022 ва вазифагузори барои соли 2023 маҷлиси умумӣ баргузор гардид.
Дар маҷлис ректори Донишкада профессор Ғанизода Ҷамшед Шуҷоат, муовини раиси КИ ҲХДТ дар ноҳияи Шоҳмансур- Наботов Шукрулло ва раиси Шӯрои олимони ҷавони Маркази тадқиқоти стратегии назди Президенти Ҷумҳурии Тоҷикистон- Фирӯзи Рамазон ширкат доштанд.
Зимни сухани ифтитоҳӣ Ректори Донишкада профессор Ғанизода Ҷамшед Шуҷоат ҳозиринро бахшида ба 10-умин солгарди таъсисёбии Донишкадаи давлатии санъати тасвирӣ ва дизайни Тоҷикистон табрику таҳният намуданд. Устод ёдовар шуданд, ки ҲХДТ дарбаргирандаи орзуву омоли ҳазорсолаи миллати тоҷик баҳисоб рафта, дар тӯли 28- соли фаъолияти пурсамар таҳти роҳбарии хирадмандонаи Асосгузори сулҳу ваҳдати миллӣ- Пешвои муаззами миллат, Президенти Ҷумҳурии Тоҷикистон мӯҳтарам Эмомалӣ Раҳмон барои рушду шукуфоии ин Ватани маҳбуб ва зиндагии шоистаи ҳар як тоҷику Тоҷикистонӣ бо талошу заҳматҳои пайваста саҳми арзандаи худро гузошта истодааст.
Тибқи тартиби кори маҷлис муовини раиси Ташкилоти ибтидоии ҳизбии «Дизайн» Ҳаитов Фирӯз вобаста ба фаъолияти ташкилот дар соли 2022 ҳисобот дода, ёдовар шуд, ки соли ҳисоботӣ бо як зумра чорабиниҳои сатҳи баланди сиёсӣ, натанҳо барои ҳайати кормандону омӯзгорон ва донишҷӯёну магистрантони Донишкада, балки барои тамоми мардуми шарафманди Тоҷикистони азиз, соли хитирмон ба ҳисоб мерафт. Мавсуф зикр намуд, ки қабули Қатъномаи Маҷмӯаи умумии СММ дар доираи пешниҳоди Пешвои муаззами миллат, роҳбари хирадманд ва дурандеши Ҳизби халқии демократии Тоҷикистон муҳтарам Эмомалӣ Раҳмон дар сатҳи ҷомеаи ҷаҳонӣ вобаста ба эълон гардидани “Соли 2025 – Соли байналмилалии ҳифзи пиряхҳо”, таҷлил аз 25-умин солгарди “Рӯзи Ваҳдати миллӣ”, истиқбол аз 31-умин солгарди “Истиқлолияти давлатӣ”, ба истифода додани майдони Истиқлол, 30-умин солгарди “Иҷлосияи 16-уми Шурои Олии Ҷумҳурии Токистон”, таҷлил аз 28-умин солгарди таъсисёбии ҲХДТ аз ҷумлаи санаҳое буданд, ки миллати сарбаланди тоҷик, аз ҷумла аъзои ташкилоти ибтидоии ҳизбии “Дизайн”-и Кумитаи иҷроияи Ҳизби Халқии Демократии Тоҷикистон дар ноҳияи Шоҳмансур онҳоро бо руҳияи хос, ҳуввияти баланди миллӣ ва ифтихор аз рушду шукуфоии Ватани маҳбубамон ҷашн гирифтанд.
Таъкид гардид, ки Ташкилоти ибтидоии ҳизбии «Дизайн»-и КИ ҲХДТ дар ноҳияи Шоҳмансур аз соли 2014 инҷониб амал мекунад ва дар сафи худ имрӯз 277 нафар аъзо дорад. Ҳар як аъзои ташкилот вазифаҳои хизматии худро сарбаландона дар назди халқу миллат ва Ватани азизамон сарбаландона иҷро намуда истодаанд.
Ёдовари шуд, ки дар давраи ҳисоботӣ 4- мароитиба маҷлисҳои ҳизбӣ ва 1-ҳамоиши иттилоттӣ-тарғиботӣ дар Донишкада бо иштироки муовини Раиси ҲХДТ-Асрор Латифзода, раиси ҲХДТ дар шаҳри Душанбе- Иброҳим Мирзозода, собиқ Раиси ҲХДТ дар ноҳияи Шоҳмансур Зулфиқор Гулаҳмадзода, раиси феълии ҲХДТ дар ноҳия- Каримзода Нилуфар Раҳмоналӣ, Раиси Ташкилоти ибтидоии ҳизбии “Дизайн” ва аъзои Раёсати ташкилот баргузор гардида, ҳамзамон 5-маротиба намоиши дастовардҳои омӯзгорону донишҷӯёни Донишкада дар муассисаҳои мухталифи шаҳри Душанбе ва 3-маротиба намоиши мӯд дар чорабиниҳои гуногуни ҳизбӣ дар сатҳи ҷумҳуриявӣ, шаҳриву ноҳиявӣ бо дастури роҳбарияти КИ ҲХДТ дар ноҳия ба хотири муаррифии Донишкада дар миқёси ҷумҳурӣ ташкил карда шудааст.
Зимни муҳокимаронии хеш, муовини раиси КИ ҲХДТ дар ноҳияи Шоҳмансур- Наботов Шукрулло қайд намуд, ки аъзои Ташкилот дар тамоми чорабиниҳои ҳизбии сатҳи ноҳиявӣ ва ҷумҳуриявӣ фаъолона иштирок намуда, мавқеъи худро ба ҳайси ташкилоти беҳтарини ҳизбӣ дар ноҳия нигоҳ доштаистодааст.
Дар идома вобаста ба шарҳу тавзеҳи Паёми Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ба Маҷлиси Олӣ раиси Шӯрои олимони ҷавони Маркази тадқиқоти стратегии назди Президенти Ҷумҳурии Тоҷикистон- Фирӯзи Рамазон вобаста ба масъалаи илму маориф, фарҳанг, равандҳои бемайлони ҷаҳонишавӣ, тарбияи ахлоқиву маънавии ҷавонон, пешгирии шомилшавии ҷавонон ба ҳизбу ҳаракатҳо ва созмонҳои хосияти терористиву экстримисти дошта, инчунин баланд бардоштани ҳуввияти миллии ҳар як фарди тоҷику Тоҷикистонӣ, бахусус ҷавонон дар партави Паёми Пешвои муаззами миллат изҳори назар кард.
Сипас, раиси Ташкилот профессор Ғанизода Ҷамшед Шуҷоат бо итминони комил таъкид намуданд, ки ҳайати кормандон, омӯзгорон ва донишҷӯёну магистрантони Донишкада ҳадафҳои созанда ва сулҳхоҳонаи роҳбарияти олии мамлакатро ҳаматарафа дарк намуда, дар тадбиқи ҳадафҳои мазкур саҳми худро мегузоранд.
Дар фарҷом ба 23-нафар омӯзгорону магистрантони Донишкада, ки ба сафи ҲХДТ шомил шуданд, билетҳои ҳизбӣ дар фазои тантанавӣ супорида шуд.
Ҳамзамон як қатор аъзои ҳизб барои саҳми назаррас гузоштан дар тарғибу ташвиқи ғояҳои созандаи Ҳизби халқии демократии Тоҷикистон бо Ифтихорномаи КИ ҲХДТ дар ноҳияи Шоҳмансур сарфароз гардонида шуданд.
