Дар толори калони Донишкадаи давлатии санъати тасвирӣ ва дизайни Тоҷикистон бахшида ба Рӯзи Модар, ки ҳамасола дар ҷумҳурӣ ҷашн гирифта мешавад, ҷамъомади тантанавӣ баргузор гардид.

Ҷамомади тантанавиро бо суханони муқаддимавӣ ректори донишкада Ғанизода Ҷамшед Шуҷоат ифтитоҳ намуда, ин рӯзи шукргузорӣ аз муқаддастарин муқаддасоти оламро ба занону духтарони  донишкада ва дар симои онҳо  тамоми модарони ҷумҳурӣ табрику муборакбод гуфт.

Сипас, дастаҳои ҳунарии Донишкадаи давлатии санъати тасвирӣ ва дизайни Тоҷикистон, коллеҷи санъати ба номи Аҳмад Бобоқулов ва гурӯҳи ҳунарии бачагонаи муассисаи таҳсилоти миёнаи умумии рақами 8-и шаҳри Душанбе бо барномаи ҷолиби муштараки саҳнавишуда ва рақсу таронаҳои дилнишин дар васфи модар ба ҷамъомад ҳусну тароват ва шукуҳи нотакрор бахшида, хотири иштирокчиён — занону духтарони донишкада ва меҳмононро болида гардониданд.