Наср Бобои Сарфароз

НАВРӮЗИЯ

Пазмони ту гаштем Наврӯз, биё,

     Аз мақдами ту шом шавад рӯз, биё.

     Гул ба сару дӯш дасту домон дорӣ,

Эй чевари чирадасти гулдӯз, биё.

***

         Ёрон ба дар омадааст Наврӯзи Шумо,

Он рӯзирасони олмафрӯзи Шумо.

Уммед зи Наврӯз кунам ҳар соат,

   Иқболбаланду бахтипирӯзи Шумо.

***

Ёрон чӣ хӯш аст, боз Наврӯз омад,

 Бо омаданаш ба ҷони ман сӯз омад.

На сӯз, ки мағз-мағзи ҷонам сӯзад,

    Балки ба шаби фироқи ман рӯз омад.

***

     Дашту даман аз хандаи Наврӯз пур аст,

Аз хандаи Наврӯзи дилафрӯз пур аст.

Ҳар субҳи ман оғоз зи Наврӯз шавад,

Кӯлоби ман аз моҳи чакандӯз пур аст.

***

  Гулғунчаи ман, дастаи гул дар кафи ту,

Хубони ҷаҳон баста сафе  дар сафи ту.

Бо ғулғулаи дафи ту Наврӯз омад,

Дар рақс шуд гул зи навои дафи ту