Шумораи қариб 250 нафар аъзои ташкилоти ибтидоии ҳизбии “Дизайн”-и КИ ҲХДТ дар ноҳияи Шоҳмансур 10 июн маҷлиси солонаи ҳисоботӣ-интихоботӣ ороста, аз фаъолияти ташкилот аз моҳи июни соли 2021 то июни соли 2022 натиҷабардорӣ намуданд. Раиси ташкилот Ғанизода Ҷ.Ш. дар бораи фаъолияти солонаи он бо маърӯза баромад карда, аз ҷумла зикр намуд, ки ташкилоти ибтидоии ҳизбии «Дизайн»-и Кумитаи иҷроияи Ҳизби Халқии Демократии Тоҷикистон дар ноҳияи Шоҳмансур тӯли ин муддат баҳри татбиқи ҳадафҳои созандаи Ҳизби Халқии Демократии Тоҷикистон, Оиннома, барнома, дастуру супоришҳои роҳбарияти Олии ҲХДТ ва роҳбарияти Кумитаи иҷроияи ҲХДТ дар ноҳияи Шоҳмансур кӯшиши зиёде ба харҷ додааст. Ин ташкилоти ҷамъиятӣ-сиёсӣ имрӯз дар сафи худ 228 нафар аъзо дошта, ҳар яке вазифаҳои хизматии худро сарбаландона дар назди халқу миллат ва Ватани азизамон иҷро намуда истодааст.
Баъди анҷоми маърӯзаи ҳисоботӣ аъзои ҳизб номзади илмҳои педагогика Субҳон Усмонов, муаллими калони Донишкадаи давлатии санъати тасвирӣ ва дизайни Тоҷикистон Тошаҳмад Пиров ва дигарон ба музокира баромада, ба фаъолияти солонаи ташкилоти ибтидоии ҳизбии “Дизайн” баҳои мусбат доданд.
Ҳамин тариқ, аъзоёни ҳизб бо як овоз фаъолияти ташкилоти ибтидоии ҳизбии “Дизайн”-ро дар давраи ҳисоботӣ қаноатбахш ҳисобида, маҷлис доир ба ҳар як масъалаи музокирашуда қарорҳои дахлдор қабул намуд.
Дар маҷлис масъалаи интихоби раиси ташкилоти ибтидоии ҳизбии “Дизайн” ва муовини ӯ аз нав дида баромада шуд. Ғанизода Ҷамшед Шуҷоат аз нав раиси ташкилот ва Фирӯз Ҳаитов муовини ӯ интихоб шуданд.
Дар маҷлис муовини раиси ҲХДТ Асрор Латифзода, раиси ҲХДТ дар шаҳри Душанбе Иброҳим Мирзозода ва Раиси ҲХДТ дар ноҳияи Шоҳмансур Зулфиқор Гулаҳмадзода иштирок доштанд. Асрор Латифзода ва Иброҳим Мирзозода баромад карданд.
