ИБРОҲИМОВ МУРОДАЛӢ ФАЙЗАЛИЕВИЧ
Муовини ректор оид ба таълим
E-mail: murodali_f@list.ru
Телефон: (+992 37) 221-72-47

Муродалӣ Иброҳимов (Иброҳимов Муродалӣ Файзалиевич; 8 марти 1964, Ҷамоати деҳоти Гулистони, ноҳияи Рӯдакӣ, ҶШС Тоҷикистон) — олим, муаррих, номзади илмҳои таърих (2003), доктори илмҳои таърих (2013), дотсент (2013), профессор (2016), узви вобастаи Академияи муҳандисии Тоҷикистон (2011), Аълочии маорифи Тоҷикистон (2011).

Иброҳимов Муродалӣ Файзалиевич 8-уми марти соли 1964 дар ҷамоати деҳоти Гулистони ноҳияи Рўдакӣ ба дунё омадааст. Таҳсил: мактаб-интернати № 1 ноҳияи Рӯдакӣ (1974-1979), мактаби № 2 шаҳри Ваҳдат (1980-1981). Хатмкардаи факултети технологии филиали Донишкадаи политехникии Тоҷикистон дар шаҳри Хуҷанд (1984-1989). Фаъолияти меҳнатӣ: Устои басти сехи ресмономодасозии Фабрикаи бофандагии № 1 Иттиҳодияи истеҳсолии матоъҳои пахтагини ш. Душанбе (1989-1990), ассистент, муаллими калон, мудири кафедраи технологияи саноати сабук, декани факултети саноати нассоҷӣ ва сабук, сардори шуъбаи таълим, проректор оид ба тарбия ва тарғибот, профессор ва мудири кафедраи дизайни либос ва санъати мӯди Донишгоҳи технологии Тоҷикистон (1991-2017). Аз сентябри соли 2017 — ноиби ректори Донишкадаи давлатии санъати тасвирӣ ва дизайни Тоҷикистон оид ба таълим.

Фаъолияти илмӣ

Соли 2003 дар Пажӯҳишгоҳи таърих, бостоншиносӣ ва мардумшиносии ба номи А. Дониши Академияи илмҳои Ҷумҳурии Тоҷикистон рисолаи номзадиро дар мавзуи «Таърихи бофандагии анъанавии тоҷикон» дифоъ намудааст. Соли 2013 бошад, рисолаи докториро бо мушовирии яке аз олимони маъруфи тоҷик, академик Раҳим Масов дар мавзӯи «Таърихи санъати нассоҷии тоҷикон» ҳимоя намудааст. Бори нахуст ба таври мукаммал таърихи санъати нассоҷии тоҷиконро аз давраи қадимтарин то давраи навин таҳқиқ намудааст Доир ба равияҳои таърихи санъат ва таърихи либоси миллӣ тадқиқот мебарад. Таҳти роҳбарии ӯ 2 нафар (Дилафрӯз Раҷабова ва Давлатёр Шералиев) оид ба таърихи фарҳанги маънавӣ ва моддии тоҷикон рисолаҳои номзадӣ ҳимоя намудаанд.

Китобҳо (Монографияҳо)

  1. Таджикский ремесленный текстиль: Словарь-справочник. Иброхимов М. Ф.– Душанбе: Ирфон, 2003. – 60 с.
  2. Традиционное ткачество таджиков: История и технология. Иброхимов М. Ф.- Душанбе: Ирфон, 2006. – 210 с.
  3. Текстильные промыслы таджикского народа в конце XIX – начале XX в. Иброхимов М. Ф.- Душанбе: Ирфон, 2013. — 182 с.
  4. Донишгоҳи технологии Тоҷикистон: Таърихи рушд ва дурнамо. Иброхимов М. Ф.- Душанбе: Ирфон, 2010. — 198 с.
  5. Дастурамали заминавӣ оид ба татбиқи барномаи корҳои тарбиявӣ дар Донишгоҳи технологии Тоҷикистон.Шоев Н. Н., Иброхимов М. Ф., Раҷабова Д. Қ., Наботов Ю. Ш. – Душанбе: Ирфон, 2012. – 276 с.

Китобҳои дарсӣ

  1. Сохт ва тарҳрезии матоъҳо: Дастури амалӣ. Иброҳимов М. Ф., Бобомуродова Ф. Р. – Душанбе 2006. – 128 с.
  2. Технология ва таҷҳизоти истеҳсолоти бофандагӣ: китоби таълимӣ барои макотиби олӣ. Ишматов А. Б., Иброҳимов М. Ф. — Душанбе: Ирфон, 2007. – 265 с.
  3. Луғати русӣ — тоҷикии нассоҷӣ.Ишматов А. Б., Иброҳимов М. Ф. — Душанбе, 2010. – 602 с.
  4. Луғати мухтасари русӣ – тоҷикии абрешимчигӣ. Салимҷонов С., Ишматов А. Б., Иброҳимов М. Ф., Ҷӯраев Ҷ. – Хуҷанд, 2010. – 122 с.
  5. Технология ва таҷҳизоти барои бофт омодасозии ресмонҳо: Китоби таълимӣ барои макотиби олӣ бо тавсияи Вазорати маорифи ҶТ.Ишматов А. Б., Иброҳимов М. Ф., Ҳакимова З. Ғ., Ҷалилов Ф. С. – Душанбе: ЭР-граф, 2011. – 104 с.
  6. Проектирование ткацкой фабрики: Методическое пособие по курсовому и дипломному проектированию. Иброхимов М. Ф.– Душанбе: Ирфон, 2013. – 72 с.
  7. Технология ва таҷҳизоти истеҳсолоти бофандагӣ. Ишматов А. Б., Иброҳимов М. Ф., Ҳакимова З. Ғ., Ҷалилов Ф. С. – Душанбе: ЭР-граф, 2013. – 110 с.